Oltin narxi oshdi: quymalar sotuvda cheklangan bo‘lishi mumkin
O‘zbekiston Markaziy Banki 12-fevral holatiga ko‘ra o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
Ma’lumotlarga ko‘ra, 1 gramm oltin narxi oldingi kun qiymatiga nisbatan 7 200 so‘mga oshgan. O‘lchovli oltin quymalarning narxlari quyidagicha belgilangan: - 5 gramm — 10 334 000 so‘m - 10 gramm — 20 669 000 so‘m - 20 gramm — 41 338 000 so‘m - 50 gramm — 103 345 000 so‘m - 100 gramm — 206 690 000 so‘m Mazkur oltin quymalarni O‘zbekiston hududidagi barcha tijorat banklarining ofislaridan xarid qilish mumkin.
Shu bilan birga, bank ofisiga borishdan oldin oltin quymalar mavjudligini aniqlashtirib olish tavsiya etiladi. Chunki oltin narxining tez o‘sishi sababli sotuv hajmi ham ortmoqda.
Natijada, ayrim bank ofislarida oltin quymalarning tugab qolish ehtimoli mavjud. Oltin quymalar bo‘yicha qo‘shimcha ma’lumot olish uchun banklarning rasmiy manbalariga murojaat qilish maqsadga muvofiqdir.
