Oltin quymalarning narxi oshdi: yangi ko‘rsatkichlar e’lon qilindi
O‘zbekiston Markaziy Banki 11-fevral kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
Ma’lumotlarga ko‘ra, 1 gramm oltinning narxi oldingi ko‘rsatkichga nisbatan 6 400 so‘mga oshgan. O‘lchovli oltin quymalarning narxlari quyidagicha belgilangan: - 5 gramm — 10 298 000 so‘m, - 10 gramm — 20 595 000 so‘m, - 20 gramm — 41 190 000 so‘m, - 50 gramm — 102 976 000 so‘m, - 100 gramm — 205 952 000 so‘m.
Mazkur oltin quymalarni O‘zbekiston hududidagi barcha banklarning filiallaridan xarid qilish mumkin. Biroq, bankka borishdan oldin quymalar mavjudligini aniqlashtirib olish tavsiya etiladi.
Chunki oltin narxining tez sur’atlarda oshishi natijasida sotuv hajmi ham ortmoqda. Bu esa ayrim banklarda oltin quymalarning tugab qolish ehtimolini oshiradi.
Oltin quymalarini xarid qilishni rejalashtirgan fuqarolar ushbu holatni inobatga olishlari lozim.
