O‘zbekistonda oltin narxi 43 200 so‘mga oshdi
O‘zbekiston Markaziy banki 9-fevral kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
Ma’lumotlarga ko‘ra, 1 gramm oltinning narxi avvalgi qiymatga nisbatan 43 200 so‘mga oshgan. O‘lchovli oltin quymalarning narxlari quyidagicha belgilangan: - 5 gramm — 10 060 000 so‘m; - 10 gramm — 20 120 000 so‘m; - 20 gramm — 40 241 000 so‘m; - 50 gramm — 100 602 000 so‘m; - 100 gramm — 201 204 000 so‘m.
Mazkur oltin quymalarni O‘zbekiston hududidagi barcha banklarning ofislaridan xarid qilish mumkin. Biroq, bankka borishdan oldin oltin quymalarning mavjudligini aniqlashtirib olish tavsiya etiladi.
Chunki oltin narxining tez sur’atlarda oshib borishi sababli sotuv hajmi ham ortgan. Bu esa ayrim bank ofislarida oltin quymalarning tugab qolish ehtimolini oshiradi.
Shu bois, xaridorlar o‘z vaqtlarini tejash uchun oldindan bank bilan bog‘lanib, zarur ma’lumotlarni olishlari maqsadga muvofiqdir.
