Oltin narxi arzonlashdi: yangi quyma narxlari e’lon qilindi

O‘zbekiston Markaziy Banki 6-fevral kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.

Ma’lumotlarga ko‘ra, 1 gramm oltin narxi avvalgi ko‘rsatkichga nisbatan 35 200 so‘mga arzonlashgan. O‘lchovli oltin quymalarning narxlari quyidagicha belgilangan: - 5 gramm — 9 844 000 so‘m, - 10 gramm — 19 689 000 so‘m, - 20 gramm — 39 378 000 so‘m, - 50 gramm — 98 444 000 so‘m, - 100 gramm — 196 888 000 so‘m.

Mazkur oltin quymalarni O‘zbekiston hududidagi barcha banklarning filiallaridan xarid qilish mumkin. Biroq bankka borishdan oldin, oltin quymalar mavjudligini aniqlashtirib olish tavsiya etiladi.

Chunki oltin narxining tez o‘sishi sababli sotuv hajmi ham oshib bormoqda. Natijada ayrim banklarda oltin quymalar tugab qolishi ehtimoli bor.

Shu bois, xaridorlar ehtiyot choralarini ko‘rib, oldindan ma’lumot olishlari maqsadga muvofiq bo‘ladi.