Hindistondan tirik hayvonlar olib kirish taqiqlandi
2026 yil 29 yanvardan boshlab, O‘zbekistonga Hindistondan tirik hayvonlar va qushlarni olib kirish vaqtincha taqiqlandi. Bu haqda Zamin.uz xabar berdi.
Bu haqda Bosh davlat veterinariya inspektorining qaroriga asosan xabar berildi. Mazkur cheklov Hindistonning barcha hududlaridan tirik hayvonlar va qushlarni, shuningdek, G‘arbiy Bengaliya shtatidan davlat veterinariya xizmati nazoratidagi barcha turdagi mahsulotlarni olib kirishni taqiqlashni nazarda tutadi.
Ushbu qaror Nipah virusi tarqalish xavfini oldini olish maqsadida qabul qilingan. Xalqaro hayvonlar sog‘ligi tashkiloti (WOAH) va boshqa ochiq manbalardagi ma’lumotlarga ko‘ra, Hindistonning G‘arbiy Bengaliya shtatida Nipah virusi keng tarqalmoqda.
Natijada, ushbu hududdagi epidemiologik vaziyat murakkablashgan. Shu sababli, O‘zbekiston hukumati xavfsizlik choralarini kuchaytirish va virusning mamlakatga kirib kelishini oldini olish uchun ushbu cheklovni joriy etdi.
