Oltin narxi oshdi: 1 gramm 43 400 so‘mga qimmatlashdi
O‘zbekiston Markaziy Banki 24-fevral holatiga ko‘ra o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
Ma’lumotlarga ko‘ra, 1 gramm oltin narxi avvalgi qiymatga nisbatan 43 400 so‘mga oshgan. Quyida oltin quymalarning narxlari keltirilgan: - 5 gramm — 10 498 000 so‘m; - 10 gramm — 20 996 000 so‘m; - 20 gramm — 41 991 000 so‘m; - 50 gramm — 104 978 000 so‘m; - 100 gramm — 209 956 000 so‘m.
Mazkur oltin quymalarni O‘zbekiston hududidagi barcha banklarning filiallaridan xarid qilish mumkin. Biroq, bankka borishdan oldin oltin quymalar mavjudligini aniqlashtirib olish tavsiya etiladi.
Shuni unutmaslik kerakki, oltin narxi tez sur’atda oshib borayotgani sababli sotuv hajmi ham ortmoqda. Bu esa ayrim banklarda oltin quymalarning tugab qolish ehtimolini yuzaga keltiradi.
Shu bois, xaridni rejalashtirishda ushbu holatni inobatga olish maqsadga muvofiqdir.
