Oltin narxi pasaydi: yangi quyma narxlari e’lon qilindi
O‘zbekiston Markaziy Banki 25-fevral kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
Ma’lumotlarga ko‘ra, 1 gramm oltinning narxi oldingi ko‘rsatkichga nisbatan 5 800 so‘mga pasaygan. Quyida o‘lchovli oltin quymalarning narxlari keltirilgan: - 5 gramm — 10 469 000 so‘m, - 10 gramm — 20 938 000 so‘m, - 20 gramm — 41 876 000 so‘m, - 50 gramm — 104 689 000 so‘m, - 100 gramm — 209 378 000 so‘m.
O‘lchovli oltin quymalarni O‘zbekistondagi barcha banklarning ofislaridan xarid qilish mumkin. Biroq, bankka borishdan oldin oltin quymalarning mavjudligini aniqlashtirib olish tavsiya etiladi.
So‘nggi vaqtlarda oltin narxining tez o‘sishi sababli sotuv hajmi oshgan va ayrim banklarda oltin quymalar tugab qolishi ehtimoli mavjud. Shu bois, xarid qilishdan oldin bank bilan bog‘lanib, kerakli ma’lumotlarni olishni unutmang.
