2025-yilda 152 trillion so‘mlik oziq-ovqat ishlab chiqarildi
Milliy statistika qo‘mitasi ma’lumotlariga ko‘ra, 2025-yilda O‘zbekistonda yirik korxonalar tomonidan 152,1 trillion so‘mlik oziq-ovqat mahsulotlari ishlab chiqarilgan. Bu haqda Zamin.uz xabar berdi.
Ushbu ko‘rsatkich 2024-yilga nisbatan 9,7 foizga oshgan. Hududlar bo‘yicha eng yuqori ishlab chiqarish hajmi Toshkent shahrida qayd etilgan bo‘lib, bu yerda 27,6 trillion so‘mlik mahsulot ishlab chiqarilgan.
Keyingi o‘rinlarda Toshkent viloyati 21,5 trillion so‘m, Samarqand viloyati 19,5 trillion so‘m va Farg‘ona viloyati 11,6 trillion so‘m bilan joylashgan. Qolgan hududlar bo‘yicha ko‘rsatkichlar quyidagicha: Qoraqalpog‘iston Respublikasida 6,6 trillion so‘m, Andijon viloyatida 9,6 trillion so‘m, Buxoro viloyatida 11,3 trillion so‘m va Jizzax viloyatida 3,3 trillion so‘mlik mahsulot ishlab chiqarilgan.
Shuningdek, Qashqadaryo viloyatida 10,2 trillion so‘m, Navoiy viloyatida 7,9 trillion so‘m, Namangan viloyatida 8,5 trillion so‘m va Surxondaryo viloyatida 3,2 trillion so‘mlik oziq-ovqat mahsulotlari ishlab chiqarilgan. Sirdaryo viloyatida 5,4 trillion so‘m, Xorazm viloyatida esa 6 trillion so‘mlik mahsulot ishlab chiqarilgani qayd etilgan.
Bu raqamlar mamlakat bo‘ylab oziq-ovqat sanoatining barqaror rivojlanayotganini ko‘rsatadi.
