O‘zbekiston banklarida oltin quymalarning narxi oshdi
O‘zbekiston Markaziy Banki 2-mart kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
1 gram oltinning narxi avvalgi qiymatga nisbatan 39 400 so‘mga oshdi. O‘lchovli oltin quymalarning hozirgi narxlari quyidagicha: 5 gram — 10 596 000 so‘m, 10 gram — 21 192 000 so‘m, 20 gram — 42 385 000 so‘m, 50 gram — 105 962 000 so‘m, 100 gram — 211 925 000 so‘m.
O‘zbekistondagi barcha banklarning ofislaridan o‘lchovli oltin quymalarni sotib olish mumkin. Lekin bank ofisiga borishdan oldin oltin quymalar mavjudligini aniqlashtirib olishni unutmang.
Oltin narxi tez sur’atda oshib borayotganligi sababli sotuv hajmlari ham oshgan. Shu sababli ko‘plab bank ofislarida oltin quymalarning tugab qolish ehtimoli mavjud.
Bu holatda, quymalarning mavjudligini oldindan aniqlashtirish tavsiya etiladi.
