O'zbekistonda oltin quymalar narxi sezilarli oshdi
O‘zbekiston Markaziy Banki 24-fevral kuni o‘lchovli oltin quymalarning sotuv narxlarini e'lon qildi. Bu haqda Zamin.uz xabar berdi.
1 gram oltinning narxi oldingi ko‘rsatkichga nisbatan 43 400 so‘mga oshdi. Quyidagi narxlar belgilandi: 5 gramlik quymaning narxi 10 498 000 so‘mni, 10 gramlik quymaning narxi 20 996 000 so‘mni, 20 gramlik quymaning narxi 41 991 000 so‘mni, 50 gramlik quymaning narxi 104 978 000 so‘mni, 100 gramlik quymaning narxi esa 209 956 000 so‘mni tashkil etadi.
Ushbu o‘lchovli oltin quymalarni O‘zbekistondagi barcha bank ofislaridan xarid qilish mumkin. Bankka borishdan oldin oltin quymalar mavjudligini aniqlashtirish tavsiya etiladi.
Oltin narxining tez o‘sib borayotgani sababli sotuvlar hajmi ham ortmoqda. Ko‘plab bank ofislarida oltin quymalarning tugab qolish ehtimoli bor.
Shu sababli, xarid qilishdan oldin mavjudlikni tekshirish muhimdir.
