O‘zbekistonda oltin quymalarning narxi arzonlashdi
O‘zbekiston Markaziy Banki 20 fevral kuni o‘lchovli oltin quymalarning sotuv narxlarini ma’lum qildi. Bu haqda Zamin.uz xabar berdi.
1 gram oltinning narxi avvalgi qiymatga qaraganda 5 800 so‘mga arzonlashgan. O‘lchovli oltin quymalarning narxlari quyidagicha belgilangan: 5 gram quymaning narxi 10 026 000 so‘mni tashkil etadi.
10 gram quymaning narxi esa 20 053 000 so‘m. 20 gram quymani 40 105 000 so‘mga sotib olish mumkin.
50 gram uchun 100 263 000 so‘m to‘lash kerak bo‘ladi. Nihoyat, 100 gram oltin quymaning narxi 200 525 000 so‘m etib belgilangan.
O‘lchovli oltin quymalarni O‘zbekistondagi barcha banklarning ofislaridan xarid qilish imkoniyati mavjud. Bank ofisiga borishdan oldin oltin quymalar mavjudligini aniqlashtirib olishni unutmang, chunki oltin narxining tez o‘sishi sababli sotuv hajmi ham ortib bormoqda.
Shu bois, ko‘plab bank ofislarida oltin quymalar tugab qolishi ehtimoli bor.
