O'zbekistonda oltin narxi keskin oshdi, sotuvlar ortmoqda
O‘zbekiston Markaziy Banki 19-fevral kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
1 gram oltin narxi oldingi qiymatga nisbatan 23 800 so‘mga oshgan. O‘lchovli oltin quymalarning narxlari quyidagicha belgilangan: 5 gram uchun 10 055 000 so‘m, 10 gram uchun 20 111 000 so‘m, 20 gram uchun 40 221 000 so‘m, 50 gram uchun 100 553 000 so‘m, va 100 gram uchun 201 107 000 so‘m.
Ushbu o‘lchovli oltin quymalarni O‘zbekistondagi barcha banklarning ofislaridan xarid qilish imkoniyati mavjud. Biroq, bank ofisiga borishdan avval oltin quymalar mavjudligini aniqlashtirishni unutmang.
Oltin narxining jadal sur’atda oshib borayotgani sababli sotuvlar hajmi ham ortib bormoqda. Shu sababli, ko‘plab bank ofislarida oltin quymalarning tugab qolish ehtimoli mavjud.
Bu holatni inobatga olib, o‘z vaqtida harakat qilishingiz muhimdir.
