O‘zbekistonda oltin narxi keskin oshdi, ehtiyot bo‘ling
O‘zbekiston Markaziy Banki tomonidan 3-mart kuni o‘lchovli oltin quymalarning sotuv narxlari e’lon qilindi. Bu haqda Zamin.uz xabar berdi.
1 gram oltin narxi oldingi qiymatga nisbatan 53 600 so‘mga oshgan. O‘lchovli oltin quymalarning narxlari quyidagicha: 5 gram uchun 10 864 000 so‘m, 10 gram uchun 21 728 000 so‘m, 20 gram uchun 43 456 000 so‘m, 50 gram uchun 108 640 000 so‘m va 100 gram uchun 217 281 000 so‘m.
O‘lchovli oltin quymalarni O‘zbekistondagi barcha banklarning ofislaridan xarid qilish mumkin. Biroq, bank ofisiga borishdan oldin oltin quymalar mavjudligini aniqlashtirib olish lozim.
Oltin narxi tez sur’atda oshib borayotgani sababli sotuvlarning hajmi ham ortmoqda. Shu tufayli ko‘plab bank ofislarida oltin quymalar tugab qolish ehtimoli mavjud.
Shu bois, xarid qilishdan oldin bank bilan bog‘lanish tavsiya etiladi.
