O‘zbekistonda oltin quymalarining narxi arzonlashdi
O‘zbekiston Markaziy Banki 17-fevral kuni o‘lchovli oltin quymalarining narxlarini e’lon qildi. Bu haqda Zamin.uz xabar berdi.
1 gram oltin narxi avvalgi qiymatga nisbatan 7 800 so‘mga arzonlashdi. O‘lchovli oltin quymalarining amaldagi narxlari quyidagicha: 5 gram oltin 10 061 000 so‘m, 10 gram oltin 20 122 000 so‘m, 20 gram oltin 40 244 000 so‘m, 50 gram oltin 100 611 000 so‘m, 100 gram oltin 201 221 000 so‘m.
O‘zbekistondagi barcha banklarning ofislaridan ushbu oltin quymalarni xarid qilish imkoni mavjud. Shuni yodda tutish lozimki, bank ofisiga borishdan oldin oltin quymalar mavjudligini aniqlashtirib olish kerak.
Oltinning narxi tez ko‘tarilayotganligi sababli sotuv hajmi oshib bormoqda. Shu bois, ko‘pgina bank ofislarida oltin quymalarining zaxirasi tugab qolishi ehtimoli bor.
