O‘zbekistonda oltin quymalarining narxlari pasaydi
O‘zbekiston Markaziy Banki 4 mart kuni oltin quymalarning sotish narxlarini e'lon qildi. Bu haqda Zamin.uz xabar berdi.
1 gram oltinning bahosi avvalgi qiymatga qaraganda 46 400 so‘mga arzonlashgan. O‘lchovli oltin quymalarning hozirgi narxlari quyidagicha belgilangan: 5 gramlik quymaning narxi 10 632 000 so‘mni tashkil qiladi.
10 grammli oltin quymaning bahosi 21 265 000 so‘m. 20 grammli quymaning narxi 42 530 000 so‘mga teng.
50 grammli oltin quymaning bahosi esa 106 325 000 so‘mni tashkil etadi. Nihoyat, 100 grammli oltin quymaning narxi 212 650 000 so‘mni tashkil etmoqda.
Ushbu oltin quymalarni O‘zbekistondagi barcha banklarning ofislaridan sotib olish mumkin. Lekin bankka bormasdan oldin, oltin quymalar mavjudligini tekshirib olishni unutmang.
Oltin narxining tez o‘sishi sababli sotuvlar hajmi ham ko‘paygan. Shu bois, ayrim bank ofislarida oltin quymalar tugab qolishi ehtimoli mavjud.
