O'zbekistonda oltin quymalarining narxi pasaydi
O‘zbekiston Markaziy Banki 6 mart kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
1 gramm oltin narxi oldingi qiymatga nisbatan 17 200 so‘mga pasaydi. O‘lchovli oltin quymalarning narxlari quyidagicha: 5 gramm uchun 10 394 000 so‘m, 10 gramm uchun 20 787 000 so‘m, 20 gramm uchun 41 574 000 so‘m, 50 gramm uchun 103 935 000 so‘m va 100 gramm uchun 207 870 000 so‘m.
Ushbu oltin quymalarni O‘zbekistondagi barcha banklarning ofislaridan xarid qilish mumkin. Biroq, bank ofisiga borishdan oldin oltin quymalar mavjudligini aniqlashtirib olish tavsiya etiladi.
Oltin narxi tez o‘sib borayotganligi sababli sotuv hajmi ham oshgan. Shu bois, ko‘plab bank ofislarida oltin quymalarning tugab qolish ehtimoli mavjud.
