KFC O‘zbekistonda 1 trillion so‘m daromad oldi
O‘zbekiston umumiy ovqatlanish bozorida muhim yutuqqa erishildi. Bu haqda Zamin.uz xabar berdi.
Mashhur xalqaro brend KFC 2025 yil oxirida 1 trillion so‘m daromad oldi. Bu mamlakatimiz restoran biznesi tarixida birinchi marta kuzatilayotgan holat bo‘lib, tarmoqning tez o‘sayotganini ko‘rsatadi.
Tahlillarga ko‘ra, bozordagi boshqa yirik raqobatchilar daromadi 3,1 foizga kamaygan bo‘lsa-da, KFC o‘z daromadini 36 foizga oshirdi. Bu raqamlar kompaniyaning mijozlar orasida mashhurligi va samarali boshqaruv strategiyasidan dalolat beradi.
E’tiborga molik jihat shundaki, O‘zbekistondagi har bir KFC restorani dunyo miqyosida eng yuqori daromad keltiruvchi shoxobchalar qatoriga kiradi. Bu mahalliy bozorning xalqaro brendlar uchun qanchalik istiqbolli ekanini yana bir bor tasdiqlaydi.
Kelgusida mahalliy brendlarimiz ham shunday yuksak natijalarga erishib, xalqaro darajaga chiqishini kutamiz.
