O‘zbekiston Markaziy Banki oltin quymalar narxini pasaytirdi
O‘zbekiston Markaziy Banki 5 mart kuni o‘lchovli oltin quymalarning sotuv narxlarini e’lon qildi. Bu haqda Zamin.uz xabar berdi.
1 gram oltinning narxi avvalgi qiymatga nisbatan 30 400 so‘mga pasaydi. O‘lchovli oltin quymalarning narxlari quyidagicha belgilangan: 5 gramlik quymaning narxi 10 480 000 so‘mni tashkil etadi.
10 gramlik quymaning narxi 20 959 000 so‘m. 20 gramlik quymaning narxi 41 919 000 so‘m.
50 gramlik quymaning narxi esa 104 797 000 so‘mni tashkil qiladi. 100 gramlik quymaning narxi 209 594 000 so‘m etib belgilangan.
Ushbu o‘lchovli oltin quymalarni O‘zbekistondagi barcha banklarning ofislaridan xarid qilish mumkin. Bank ofisiga borishdan oldin oltin quymalar mavjudligini aniqlashtirib olish tavsiya etiladi.
Chunki oltin narxi jadal sur’atda oshib borayotgani sababli sotuvlarning hajmi ham ortmoqda. Shu sababli ko‘plab bank ofislarida oltin quymalarning tugab qolish ehtimoli mavjud.
