Oltin quyma narxi rekord arzonladi

O‘zbekiston Markaziy Banki 21 aprel kuni o‘lchovli oltin quymalarning yangi narxini e’lon qildi. Bu haqda Zamin.uz xabar berdi.

Bugungi kursga ko‘ra, 1 gramm oltin qiymati kecha bilan solishtirganda 10 ming 600 so‘mga arzonlashgan. Bu esa yil boshidan buyon kuzatilayotgan eng katta bir kunlik pasayish hisoblanadi.

Bank tomonidan belgilangan narxlarga ko‘ra, 5 gramm quyma 9 million 607 ming so‘m, 10 gramm quyma 19 million 215 ming so‘m, 20 gramm quyma 38 million 429 ming so‘m, 50 gramm quyma 96 million 74 ming so‘m va 100 gramm quyma esa 192 million 147 ming so‘mdan sotiladi. O‘zbekiston hududidagi istalgan bank ofisidan ushbu o‘lchovli quymalarni naqd yoki plastik karta orqali xarid qilish mumkin.

Ammo oldindan telefon qilib, kerakli grammatikdagi oltin qoldig‘i bor yoki yo‘qligini aniqlab olish maslahat beriladi. Oxirgi kunlarda dunyo bozorida metall narxi tez o‘sib borayotgani sababli, fuqarolar o‘z jamg‘armalarini saqlash maqsadida oltin sotib olishga intilmoqda.

Natijada bir qator banklarda quymalar tezlikka tugab qolmoqda. Xususan, poytaxtdagi yetti bankdan uchtasida 50 va 100 gramm quymalar qolmagan.

Shuning uchun xarid qilish niyatida bo‘lsangiz, ofisga borishdan oldin aloqaga chiqishni unutmang.