O‘zbekiston Respublikasi prezidenti tashabbusi bilan Qashqadaryo viloyatining Qumqo‘rg‘on tumanidagi avtomobil gaz to‘ldirish kompressor stantsiyasida yuzaga kelgan yong‘in oqibatida jabrlanganlarga moddiy yordam ko‘rsatildi. Bu haqida Upl.uz xabar berdi.
16 iyul kuni ushbu stantsiyada yuz bergan yong‘in natijasida to‘rtta fuqaro halok bo‘lganligi avvalroq ma’lum qilingandi. Qumqo‘rg‘on tuman hokimiyati ma’lumotiga ko‘ra, jabrlanganlar va halok bo‘lganlarning oilalariga kompensatsiya berildi.
Har bir halok bo‘lgan shaxsning oilasiga 100 million so‘mdan naqd pul shaklida to‘landi. Shuningdek, jarohat olgan va davolanayotganlarga 50 million so‘mdan mablag‘ ajratildi.
Mablag‘lar jabrlanganlarning yashash joylariga yoki ularning davolanishi uchun murojaat qilgan tibbiyot muassasalariga yetkazildi. To‘lovlar tuman hokimi va mahalliy hokimiyat vakillari ishtirokida shaxsan topshirildi.
Bundan tashqari, davlat jabrlanganlarning barcha davolanish xarajatlari va dori-darmonlarini to‘liq qoplashni o‘z zimmasiga oldi. Ular to‘liq sog‘aygunicha yuqori malakali shifokorlar tomonidan bepul tibbiy yordam ko‘rsatiladi.
