Jizzaxda 77 yoshli erkak o‘zining 11,5 million so‘mlik aliment qarzini pensiya jamg‘armasidan naqd pul shaklida to‘liq to‘lab, mas’uliyat namunasi ko‘rsatdi. Bu haqida Upl.uz xabar berdi.
Bu holat ota-onalarning moliyaviy majburiyatlaridan qochish hollari ko‘p uchrayotgan bir paytda alohida ahamiyat kasb etadi. Mazkur erkak o‘tgan 15 yil davomida avvalgi nikohidan bo‘lgan farzandiga muntazam aliment to‘lab kelgan.
Biroq uzoq davom etgan kasallik va majburiy safar tufayli qarzga tushib qolgan. Sud ijrochilari unga qarzni to‘lash zarurligini eslatgach, u darhol barcha qarzini to‘lab berdi.
Pensioner o‘z so‘zlarida aliment to‘lashdan qochish gunoh ekanligini ta’kidladi. U kasallik tufayli qarzga tushganini, boshqacha holatda bunday vaziyat yuzaga kelmasligini bildirdi.
Shuningdek, u yosh aliment to‘lovchilarga o‘zini namuna sifatida ko‘rsatmoqchi ekanini aytdi. Erkak farzandining 18 yoshga to‘lguniga qadar aliment to‘lashni davom ettirish niyatida ekanligini ham ta’kidladi.
O‘zbekistonda aliment to‘lovlari masalasi jiddiy va dolzarb muammo sifatida qolmoqda. Majburiy ijro byurosi matbuot xizmati rahbari Farrux Toshpulatovning aytishicha, hozirda byuro xodimlarining nazoratida aliment va moddiy yordam bo‘yicha 348 mingdan ortiq ijro hujjatlari mavjud bo‘lib, ular 400 mingdan ziyod farzandga taalluqlidir.
Mazkur qariyalar namunasidagi harakat ota bo‘lib, farzandlarini moddiy ta’minlash majburiyatini bajarmayotgan, barcha imkoniyatlarga ega bo‘lsa-da, o‘z vazifasidan bo‘yin tovlovchi erkaklar uchun ogohlik bo‘lishi lozim. Ko‘plab sog‘lom erkaklarning oylik daromadining choragini ham farzandlariga sarf qilmasligi holatlari tobora ko‘paymoqda.
Shunday ekan, ota-ona sifatida farzandlarimiz oldidagi burchimizni ado etish har birimizning burchimizdir.
