Toshkent shahrining Chilonzor tumanida kichik halqa yo‘lida Cobalt avtomobili yonishi natijasida to‘rt nafar shaxs jarohat olib, shifoxonaga yotqizildi. Bu haqida Upl.uz xabar berdi.
Ushbu voqea yuzasidan ma’lumotlar kelib tushdi. Shuningdek, ayni joy yaqinida Damas avtomobili ishtirokida yo‘l-transport hodisasi sodir bo‘ldi.
Har ikki holat o‘tgan mashinaning videoregistratori tomonidan qayd etilgan. Videolarda Damas avtomobili birdaniga nazoratni yo‘qotib, yon tomonga ag‘darilgani ko‘rinadi.
Oldindan olingan ma’lumotlarga ko‘ra, bunday avtohalokatning sababi keskin tormozlash bo‘lib, bu haydovchining transport vositasini boshqaruvini yo‘qotishiga olib kelgan. Damas oldida Spark avtomobili kutilmaganda harakatga tushgan, haydovchi to‘qnashuvdan qochish maqsadida favqulodda tormozlashga majbur bo‘lgan.
Bu esa transport vositasining g‘ildiraklari sirpanib, ag‘darilishiga sabab bo‘lgan. Hodisa yuzasidan tergov ishlari davom etmoqda.
