Samarkand viloyati IIB YHXB matbuot xizmati xabariga ko‘ra, narkotik moddani saqlagan shaxs aniqlangan. Bu haqida Upl.uz xabar berdi.
Joriy yilning 20 iyul kuni soat taxminan 15:30 da Samarkand viloyatining Urgut tumanida joylashgan "Omonquton" DXP doimiy postida "Malibu" rusumli avtomobil to‘xtatildi. Haydovchining hujjatlari tekshirilayotganda, ushbu transport vositasidagi yo‘lovchi harakati shubhali ko‘rindi.
Shundan so‘ng, guvohlar ishtirokida ushbu shaxsning shaxsiy tekshiruvi o‘tkazildi. Natijada uning ustidan qog‘ozga o‘ralgan bitta paket topildi, ichida esa "marixuana" deb ataluvchi narkotik modda borligi aniqlandi.
Ushbu holat yuzasidan tegishli hujjatlar rasmiylashtirildi. Shaxs qo‘lga olinib, Urgut tumani IIBga olib borildi va tergov harakatlari boshlanishi uchun topshirildi.
