Poytaxt bosh boshqarmasi matbuot xizmati xabariga ko‘ra, tan jarohatlari yetkazish bilan bog‘liq holat bo‘yicha jinoyat ishi qo‘zg‘atilgan. Bu haqida Upl.uz xabar berdi.
Ijtimoiy tarmoqlarda Yashnobod tumanidagi “Spletni” karoke barida 1980 yilda tug‘ilgan erkak tomonidan ushbu muassasa xodimi, 2000 yilda tug‘ilgan ayol menejer yuziga qurol o‘q uzgani haqida ma’lumot tarqaldi. Hodisa 17 iyul kuni soat taxminan 02:00 da sodir bo‘lgan.
Natijada ayol shifoxonaga olib borilgan va unga ko‘z yumshoq to‘qimasining shikastlanishi, ko‘z sharchasining jarohatlanishi, shuningdek yuqori kiprik qismi, burun va peshona sohasida tirnalishlar va yirtilgan jarohatlar tashxisi qo‘yilgan. Hozirda jabrlanuvchi shifokorlar nazoratida.
Yashnobod tumani ichki ishlar bo‘limi xodimlari tomonidan mazkur holat bo‘yicha dastlabki tergov harakatlari olib borilmoqda. Tergov yakunida erkakning harakatlariga nisbatan qonuniy baho beriladi.
