22 iyul kuni soat 19:30 da «Botanika» podstansiyasidan (110/35/6 kV) chiqqan «L-Astronomicheskaya-1» nomli 35 kV kuchlanishli elektr uzatish liniyasida avariya yuz berdi. Bu haqida Upl.uz xabar berdi.
Natijada, Mirzo Ulug‘bek va Yunusobod tumanlarida joylashgan 3500 nafar iste’molchi qisman elektr energiyasiz qoldi, shuningdek, bir qancha korxonalar ham ta’sirlandi. «Toshkent shahar elektr tarmoqlari» matbuot xizmati ma’lum qilishicha, avval yuzaga kelgan nosozlik hozirda bartaraf etilgan.
Hozirga kelib, Mirzo Ulug‘bek va Yunusobod tumanlaridagi taxminan 3000 iste’molchining elektr ta’minoti to‘liq tiklandi. Qolgan 500 iste’molchiga esa bosqichma-bosqich elektr energiyasi ulanishi davom etmoqda.
Vaziyat nazorat ostida bo‘lib, xizmat ko‘rsatish qayta tiklanishi uchun barcha zarur choralar ko‘rilmoqda.
