Joriy yilning dastlabki besh oyida Misrga 30,5 mingdan ortiq O‘zbekiston fuqarolari tashrif buyurgan. Bu haqida Upl.uz xabar berdi.
Bu ma’lumot O‘zbekiston Respublikasi Davlat statistika qo‘mitasi tomonidan taqdim etilgan bo‘lib, turistlar oqimining sezilarli darajada oshganligini ko‘rsatadi. 2025 yilning yanvaridan mayigacha bo‘lgan davrda Misrga borgan O‘zbekiston fuqarolari soni o‘tgan yilning mos davriga nisbatan 17 mingga ko‘paygan.
Bu esa sayohatlar sonining 2,2 barobar ko‘payganini anglatadi. O‘zbekistonliklarning Misrga tashriflarining asosiy maqsadi dam olish va diqqatga sazovor joylarni ko‘rishdir.
Shuningdek, oilaviy tashriflar, davolanish, xizmat safarlari va ta’lim olish kabi maqsadlarda ham sayohatlar amalga oshirilgan. Xususan, sayohatlar soni 27 002, qarindoshlarni ziyorat qilish 3 392, davolanish 64, xizmat bilan bog‘liq safarlar 15 va ta’lim olish 6 nafarni tashkil etadi.
Bu ko‘rsatkichlar turizm sohasidagi ijobiy o‘zgarishlarni yaqqol namoyon etmoqda.
👍 0❤️ 0😂 0😢 0😡 0
