Uzenergoinspektsiya matbuot xizmati tomonidan tabiiy gazni noqonuniy ishlatish holati aniqlangani haqida xabar berildi. Bu haqida Upl.uz xabar berdi.
Surxondaryo viloyati Uzenergoinspektsiyasi boshqarmasi xodimlari, viloyat prokuraturasi va gaz ta’minoti tashkiloti vakillari bilan hamkorlikda Termiz shahrida joylashgan “X. Q.
M.” mas’uliyati cheklangan jamiyatining qurilish materiallari omborida tekshiruv o‘tkazdi. Tekshiruv davomida mazkur ombor tabiiy gaz tarmog‘iga hisoblagich o‘rnatilmasdan noqonuniy ulanganligi aniqlangan.
Dastlabki hisob-kitoblarga ko‘ra, gaz ta’minoti tashkilotiga yetkazilgan zarar 3 milliard 954 million so‘mni tashkil etdi. Ushbu holat bo‘yicha barcha hujjatlar huquqni muhofaza qiluvchi organlarga topshirildi.
Tashkilotning mas’ul shaxslari O‘zbekiston Respublikasi Jinoyat kodeksining 169-moddasi, 4-qismi bo‘yicha 15 yilgacha ozodlikdan mahrum etilishi mumkin.
