Payme xizmati kundalik to‘lovlarni nafaqat qulay, balki foydali qilish maqsadida rivojlantirilmoqda. Bu haqida Upl.uz xabar berdi.
Kompaniya foydalanuvchilarning fikrlarini diqqat bilan tinglaydi va ularning ehtiyojlarini hisobga oladi. Shu sababli, payme people sodiqlik dasturi doirasida ballar yig‘ish o‘rniga, tovarlar va xizmatlar uchun to‘lovlarda 1 foizlik keshbek joriy etildi.
Ushbu keshbek payme plus obunasi orqali ilovada mavjud. Payme people dasturida oldindan to‘plangan ballar saqlanib qoladi va ularni payme people bo‘limida cheklovlarsiz ishlatish mumkin bo‘ladi.
Biroq yangi ballar yig‘ish 12 avgustdan boshlab to‘xtatiladi. Agar sizda savollar tug‘ilsa, payme mijozlarni qo‘llab-quvvatlash xizmati qisqa 1350 raqami yoki ilova ichidagi chat orqali yordam berishga tayyor.
Dasturdagi o‘zgarishlar xizmatni yanada sodda, tushunarli va foydali qilishga qaratilgan muhim qadamdir. Barcha yangiliklar va mahsulotlar haqida batafsil ma’lumotni payme.uz saytida topishingiz mumkin.
