Toshkent metropoliteni 2025 yil 2 avgustdan boshlab metro halqaviy yo‘nalishining yer usti qismlarida poyezdlar harakatining vaqtincha to‘xtatilishini ma’lum qiladi. Bu haqida Upl.uz xabar berdi.
Cheklovlar “Texnopark”dan “Yangiobod”gacha bo‘lgan stansiyalarni qamrab oladi. Ushbu qaror bir necha yil davomida foydalanilayotgan stansiyalar va estakadalarda rejalashtirilgan profilaktik ishlarni o‘tkazish zarurati bilan bog‘liqdir.
Asosiy maqsad – harakat xavfsizligini oshirish va yo‘lovchilarga ko‘rsatilayotgan xizmat sifatini yaxshilashdir. Yo‘lovchilarning noqulayliklarini kamaytirish maqsadida “Texnopark” va “Qipchoq” stansiyalari o‘rtasida katta sig‘imli bepul avtobuslar yo‘lga qo‘yiladi.
Avtobuslar har kuni soat 05:00 dan 23:00 gacha qatnaydi. Metropoliten ma’muriyati vaqtinchalik noqulayliklar uchun uzr so‘raydi va yo‘lovchilardan tushunish uchun minnatdorlik bildiradi.
Poyezdlar harakati tiklanganda qo‘shimcha ma’lumot beriladi.
👍 0❤️ 0😂 0😢 0😡 0
