Ijtimoiy tarmoqlarda "Labo" avtomobili haydovchisining voyaga yetmagan bolaning hayotiga xavf solayotgan videorolik tarqaldi. Bu haqida Upl.uz xabar berdi.
27 iyul kuni soat taxminan 18:50 da "Chirchiq-Kibray" shaharlararo avtomobil yo‘lida "Labo" avtomobili haydovchisi yo‘l harakati qoidalarini qo‘pol ravishda buzganligi aniqlangan. Ushbu transport vositasi yuk tashish uchun mo‘ljallangan yukxonasida voyaga yetmagan bola joylashgan bo‘lib, u soatiga 60-70 kilometr tezlikda harakatlanayotgan mashina ichida o‘zini ushlab turishga harakat qilgan.
So‘nggi paytlarda O‘zbekiston haydovchilari bolalar xavfsizligiga yetarlicha e’tibor bermayapti. Mas’uliyatsiz ota-onalar bolalarini oldingi o‘rindiqlarga yoki hatto qo‘l ostiga o‘tirgizib, ularni jiddiy xavf ostiga qo‘ymoqda.
Ko‘plab haydovchilar bolalar oynadan tashqariga to‘liq cho‘zilgan holatda bo‘lsa ham, ularga e’tibor bermaydi. Bolalar xavfsizligini ta’minlash uchun yo‘l harakati qoidalariga qat’iy rioya qilish zarur.
Har bir ota-ona va haydovchi bolalarning hayotini asrashga mas’uldir.
