Surxondaryo viloyati IIB matbuot xizmati tomonidan ma’lum qilinishicha, 28 iyul kuni Termiz shahrida firibgar ushlangan. Bu haqida Upl.uz xabar berdi.
Termiz tumani fuqarosi Angor tumani yashovchisidan 12 700 000 so‘m miqdorida, maxsus kimyoviy modda bilan ishlangan pul olgan vaqtida qo‘lga olingan. Aniqlanishicha, ushlangan shaxs Rossiya Federatsiyasi Pskov davlat universitetining 3-kurs talabasi ekan.
U mazkur fuqaroga 1000 AQSh dollari evaziga imtihonsiz universitetga qabul qilinishga yordam berishni va o‘qishni 2-kursdan boshlashni va’da qilgan. Ushbu holat bo‘yicha O‘zbekiston Respublikasi Jinoyat kodeksining “Firibgarlik” moddasi asosida jinoiy ish qo‘zg‘atilgan.
Hozirda tergov harakatlari olib borilmoqda.
