Bugundan, 1 avgustdan boshlab O‘zbekistonda yangi qoidalar joriy etiladi. Bu haqida Upl.uz xabar berdi.
Agar abonentning qattiq maishiy chiqindilarni olib chiqish xizmatlari uchun qarzi mavjud bo‘lsa, unga vaqtincha elektr energiyasi to‘lovi cheklanishi mumkin. Har oy 3-sanasigacha to‘lanmagan qarzdorlik haqidagi ma’lumotlar “Toza makon” tizimidan “Hududiy elektr tarmoqlari” AJning billing tizimiga uzatiladi.
So‘ng, 5-sanasigacha abonentlarga 2100 raqamidan SMS xabarnoma yuboriladi. Unda qarzni 5 kun ichida to‘lash haqida ogohlantirish beriladi.
Agar belgilangan muddatda to‘lov amalga oshirilmasa, elektr energiyasi uchun to‘lov imkoniyati to‘xtatiladi. Qarzdorlik to‘liq qoplangan zahoti xizmat avtomatik tarzda tiklanadi.
Ushbu o‘zgarishlar faqat 2025 yil 1 iyuldan keyingi qarzlar uchun amal qiladi. To‘g‘ri hisob-kitoblar uchun mas’uliyat sanitariya tozalash xizmatlariga yuklatilgan.
Agar chiqindilarni olib chiqish xizmati ko‘rsatilmagan bo‘lsa, qayta hisob-kitob qilinadi. Ushbu yangiliklar to‘lovlarni yig‘ishni yaxshilash va chiqindilarni olib chiqish sifatini oshirish maqsadida joriy etilmoqda.
Boshqaruv kompaniyalari va sanitariya xizmatlari bu usul orqali shahar va tumanlarda tozalikka yanada samarali e’tibor qaratishni maqsad qilgan. Abonentlar uchun esa bu hisob-kitoblarni o‘z vaqtida amalga oshirish uchun rag‘bat bo‘ladi va noqulayliklarning oldini oladi.
Hisob-kitoblar yoki xizmat ko‘rsatish bilan bog‘liq savollar yuzaga kelsa, 1205 raqamiga 24 soat davomida murojaat qilish mumkin.
