Qidirilayotgan jinoyatchilar O‘zbekistonga olib kelinganligi haqida Ichki ishlar vazirligi matbuot xizmati xabar berdi. Bu haqida Upl.uz xabar berdi.
Ma’lum qilinishicha, uch nafar fuqaro xalqaro qidiruvga, xususan Interpol chizig‘ida, O‘zbekiston hududida og‘ir jinoyatlarni sodir etganlikda gumon qilinib qidirilgan. O‘tkazilgan tezkor-qidiruv tadbirlari natijasida ushbu shaxslarning mamlakatni tark etib, Birlashgan Arab Amirliklarining Abu Dabi shahrida yashirinib yurganligi aniqlangan.
Ularning barchasi iqtisodiy va mulkiy jinoyatlarda ayblanmoqda. O‘zbekiston va Birlashgan Arab Amirliklari huquqni muhofaza qiluvchi organlari o‘rtasidagi hamkorlik hamda qo‘shma tadbirlar tufayli jinoyatchilar qo‘lga olingan.
Zarur hujjatlar tayyorlangach, ular O‘zbekistonga ekstraditsiya qilingan va Islom Karimov nomidagi Toshkent xalqaro aeroportiga olib kelindi. Endilikda ushbu shaxslarga nisbatan jinoiy javobgarlik qo‘zg‘atiladi.
Tez orada tergov jarayoni qayta boshlanadi.
