Ichki ishlar vazirligi huzuridagi qo‘riqlash boshqarmasi matbuot xizmati xabariga ko‘ra, tashkilot rahbariga jismoniy zo‘rlik bilan tahdid qilgan shaxs qo‘lga olindi. Bu haqida Upl.uz xabar berdi.
2025 yil 30 iyul kuni soat taxminan 17:32 da qo‘riqlash bo‘limi nazoratidagi ofisda signalizatsiya ishladi. Hodisa Toshkent shahrining Yashnobod tumanida sodir bo‘ldi.
Hodisa joyiga ichki ishlar xodimlari yetib borib, ofisda qo‘riqchi sifatida ishlagan fuqaro tashkilot rahbariga bolta bilan tahdid qilganini va maoshining oshirilishini talab qilganini aniqladi. Qisqa muzokaralardan so‘ng, ichki ishlar xodimlari tomonidan shaxsning qo‘lidan bolta olindi.
Shuningdek, uning sumkasidan pichoq topildi. Ushbu holat yuzasidan tegishli hujjatlar rasmiylashtirildi va to‘plangan materiallar qonuniy qaror qabul qilinishi uchun sudga yuborildi.
