Davlat xavfsizlik xizmati matbuot xizmati xabariga ko‘ra, firibgar ushlandi. Bu haqida Upl.uz xabar berdi.
Toshkent shahrida Davlat xavfsizlik xizmati va bojxona xodimlari hamkorligida maxsus operativ tadbir o‘tkazildi. Tadbir davomida Namangan viloyatida faoliyat yurituvchi korxona rahbaridan 1985 yilda tug‘ilgan Namanganlik shaxs 1000 AQSh dollari miqdorida pul olganligi aniqlanib, ushlangan.
Ushbu shaxs o‘zini Davlat xavfsizlik xizmati xodimi deb tanishtirib, korxonaning bojxona rasmiylashtiruvi jarayonida hech qanday muammo bo‘lmasligi uchun yordam berishni va’da qilgan. Har bir tovar partiyasi uchun u 500 AQSh dollari talab qilgan.
Surishtiruv davomida ma’lum bo‘ldiki, ushbu fuqaro ilgari ham korxona rahbaridan avtomobil ehtiyot qismlarining bojxona rasmiylashtiruvi jarayonini tezlashtirish uchun 1000 dollar olgan. Mazkur holat bo‘yicha jinoyat ishi qo‘zg‘atilib, tergov harakatlari olib borilmoqda.
