Energetika vazirligining matbuot xizmatida ma’lumot berildi. Bu haqida Upl.uz xabar berdi.
Xabarga ko‘ra, elektr ta’minoti tashkilotlari inspektorlariga maxsus badi-kameralar va planshetlar taqdim etiladi. Ushbu qurilmalar yagona hisobot tizimiga, "E-dalolatnoma" platformasiga ulangan bo‘ladi.
Hozirda “Energosavdo” AJga qarashli “Hududiy elektr tarmoqlari”ning Samarqand filiali uchun 158 planshet tarqatilgan. Shuningdek, Samarqand shahrida va viloyatida iste’molchilar bilan bevosita ishlaydigan inspektorlarga 54 ta badi-kamera berilgan.
Ushbu yangiliklar orqali elektr ta’minoti tashkilotlari va iste’molchilar o‘rtasidagi munosabatlarda oshkoralik ta’minlanadi hamda korrupsiya holatlari oldi olinadi. Endilikda barcha hujjatlar maxsus elektron tizimda saqlanib, nazorat ostida bo‘ladi, bu esa qog‘oz hujjatlardan farq qiladi.
