Bugun, 7 avgust kuni soat 19:00 da Chilonzor tumanidagi «Bunyodkor» stadionida jahon yulduzi Jennifer Lopezning konserti bo‘lib o‘tadi. Bu haqida Upl.uz xabar berdi.
Ushbu tadbir munosabati bilan soat 12:00 dan 23:00 gacha bir qator ko‘chalarda avtomobil harakati to‘liq cheklab qo‘yiladi. Cheklov quyidagi ko‘chalarga taalluqlidir: Chapanata ko‘chasi — Katartal ko‘chasi chorrahasi bilan Chilonzor ko‘chasining kesishgan joyigacha; Chilonzor ko‘chasi — Chapanata ko‘chasidan Boshlanib, Malaya koltsevaya ko‘chasi bilan kesishgan joyigacha; shuningdek, Bunyodkor ko‘chasining kichik yo‘li — Malaya koltsevaya ko‘chasidan Chapanata ko‘chasigacha bo‘lgan qismi.
Haydovchilarga oldindan yo‘l haritasini rejalashtirish va aylanma yo‘llardan foydalanish tavsiya etiladi. Tashkilotchilar vaqtinchalik noqulayliklar uchun uzr so‘raydi va barcha fuqarolardan tushunish bilan qarashlarini so‘raydi.
