Bugun O‘zbekiston poytaxti Toshkent shahrida haqiqiy musiqa bayrami bo‘lib o‘tmoqda. Bu haqida Upl.uz xabar berdi.
Dunyo miqyosida mashhur bo‘lgan Jennifer Lopez “Bunyodkor” stadionida konsert beradi. Xavfsizlik va qulaylikni ta’minlash maqsadida hokimiyat barcha tomoshabinlardan erta kelishni so‘ramoqda.
Konsert soat 20:00 da boshlanishiga qaramay, kirish 17:30 dan ochiladi. Iltimos, navbatlarga tushmaslik va o‘z joylaringizni osoyishta egallash uchun oldindan kelishingizni tavsiya qilamiz.
Shuningdek, tashkilotchilar chiptalarni faqat rasmiy kassalardan xarid qilishni eslatmoqda. Bu firibgarlikning oldini olishga yordam beradi.
Harakatlanish uchun jamoat transportidan yoki taksidan foydalanish ma’qul. Avtomobil uchun joylar cheklangan bo‘lishi mumkin, shuning uchun shaxsiy transport vositangizni uyda qoldirishingiz ma’qul.
Madaniy tadbirda o‘zaro hurmat muhimdir. Iltimos, san’atkorlarga, boshqa tomoshabinlarga va tashkilotchilarga hurmat bilan yondoshing.
Xavfsizlik xodimlarining ko‘rsatmalariga rioya qiling, shunda kecha muammosiz o‘tadi.
