Bugun, 7 avgust kuni Toshkentda dunyoga mashhur pop yulduzi Jennifer Lopesning konserti bo‘lib o‘tadi. Bu haqida Upl.uz xabar berdi.
Ichki ishlar bosh boshqarmasi ushbu tadbir munosabati bilan xavfsizlik choralarini kuchaytirganini ma’lum qildi. Barcha tomoshabinlar xavfsizlik qoidalariga qat’iy rioya qilishi talab etiladi.
Tashkilotchilar ochiq maydondagi konsertga o‘n minglab odamlar kelishini kutmoqda. Shu sababli kirish joyida qat’iy nazorat o‘rnatiladi.
Eng avvalo, ma’lum buyumlarni olib kirish taqiqlanadi. Professional foto va video uskunalar, jumladan, yuksak sifatli fotoapparatlar, videokameralar, linzalar hamda uchoynaklar olib kirish mumkin emas.
Tomoshabinlarga navbatlarda vaqt yo‘qotmaslik va qulay o‘tish uchun ertaroq kelish tavsiya etiladi. Stadionga kirish soat 17:30 dan boshlanadi.
Barcha ishtirokchilardan jamoat tartibiga rioya qilish va xavfsizlik xodimlarining ko‘rsatmalariga amal qilish so‘raladi. Bu choralar konsertni tinch va xavfsiz o‘tkazish maqsadida joriy etilgan.
