Migratsiya agentligi matbuot xizmati tomonidan rasmiy bayonot e’lon qilindi. Bu haqida Upl.uz xabar berdi.
Ijtimoiy tarmoqlarda Adworld Group MChJ kompaniyasining turli xorijiy davlatlarda, jumladan, Черногория, Serbiya, Angliya, Litva, Norvegiya, Oman va Yaponiya kabi mamlakatlarda ish topish xizmatlari reklamalari tarqaldi. Ushbu reklamalar yirik obunachilarga ega bo‘lgan blogerlar tomonidan targ‘ib qilindi.
Biroq, tarqatilgan ma’lumotlar haqiqatga to‘g‘ri kelmaydi, chunki mazkur kompaniyaning ushbu faoliyat turi uchun litsenziyasi yo‘q. Agentlik vakillari blogerlar va ommaviy axborot vositalarini jamoatchilik oldida mas’uliyatli bo‘lishga va “Reklama to‘g‘risida”gi qonunni buzmaslikka chaqirmoqda.
Shuningdek, mehnat migratsiyasini amalga oshirish uchun faqat tegishli litsenziyaga ega tashkilotlarga murojaat qilish zarurligi ta’kidlandi. Ularning ro‘yxatini Migratsiya agentligining rasmiy saytida ko‘rish mumkin.
Shuningdek, shaxsiy bandlik agentliklari bilan shartnoma tuzishda har bir bandni diqqat bilan o‘rganish muhimdir, chunki bu firibgarlik yoki inson savdosiga duchor bo‘lishning oldini oladi. Fuqarolar o‘z huquqlarini himoya qilishlari va faqat qonuniy xizmatlardan foydalanishlari lozim.
