Favqulodda vaziyatlar vazirligi matbuot xizmati xabariga ko‘ra, Sirdaryo viloyatida suvga cho‘kib ketayotgan fuqaro qutqarildi. Bu haqida Upl.uz xabar berdi.
7 avgust kuni soat taxminan 19:32 da “112” tizimi orqali “Dustlik” kanalida cho‘kayotgan erkak haqida xabar kelib tushdi. Bu haqda G‘uliston shahridagi “Obod-yurt” va “Buston” mahallalari oralig‘ida yo‘ldan o‘tib ketayotgan fuqaro xabar bergan.
Uch daqiqa ichida Favqulodda vaziyatlar vazirligi xodimlari, shu jumladan suv osti qutqaruvchilari voqea joyiga yetib bordi. Ularning tezkor harakati natijasida erkak omon qolgan.
Hodisa oqibatida hech kim jarohat olmadi. Qutqarilgan fuqaro tibbiy ko‘rikdan o‘tishi uchun tez yordam xodimlariga topshirildi.
Ushbu voqea Favqulodda vaziyatlar xizmatining samarali ishini yana bir bor tasdiqlaydi.
