O‘zbekiston va Rossiya maxsus xizmatlari hamkorligida qo‘shma tezkor tadbirlar o‘tkazildi, deb xabar beradi Milliy xavfsizlik davlat qo‘mitasining matbuot xizmati. Bu haqida Upl.uz xabar berdi.
Ushbu tadbirlar natijasida Rossiya Federatsiyasi Federal xavfsizlik xizmati va O‘zbekiston Milliy xavfsizlik davlat qo‘mitasi xodimlari tomonidan xalqaro terror tashkilotining 9 nafar a’zosi qo‘lga olindi. Ulardan 7 nafari Moskva shahrida, 2 nafari esa Qashqadaryo viloyatida ushlangan.
Ma’lum qilinishicha, ushbu shaxslar xalqaro terror tashkiloti tomonidan onlayn konferensiyalar orqali yollangan bo‘lib, bu tadbirlar o‘quv maqsadida tashkil etilgan. Barcha shaxslar Telegramdagi guruhlarga a’zo bo‘lib, u yerda ekstremizm va terrorizm g‘oyalari tarqatilgan.
Milliy xavfsizlik qo‘mitasi qayd etishicha, O‘zbekiston hududida ushlanganlar 1961 va 1994 yillarda tug‘ilgan. Ularning qo‘lidan 4 ta mobil telefon, 3 nusxa taqiqlangan adabiyot, 2 ta fleshka hamda xorijiy davlat mobil operatorining 1 ta SIM-kartasi musodara qilindi.
Bu tadbirlar terrorizmga qarshi kurashda hamkorlikning samarali natijasidir.
