10 avgust kuni soat 22:00 da Samarqand viloyati Jomboy tumanidagi Shayman mahallasida joylashgan avtomobil gaz quyish shoxobchasida yong‘in sodir bo‘lganligi haqida Favqulodda vaziyatlar vazirligiga xabar kelib tushdi. Bu haqida Upl.uz xabar berdi.
Soat 22:15 da yong‘in o‘chirish va qutqarish bo‘linmalari voqea joyiga yetib bordi. Yong‘in soat 22:21 da lokalizatsiya qilindi va soat 22:30 da to‘liq bartaraf etildi.
Yong‘in natijasida KIA Bongo, Damas va Gentra rusumli avtomobillarga zarar yetdi. Jarohat olganlar yo‘q.
Yong‘inning kelib chiqish sabablari va yetkazilgan moddiy zarar miqdori aniqlanmoqda. Hodisa joyiga viloyat va tuman Favqulodda vaziyatlar boshqarmalari rahbarlari chiqib bordi.
