Uzenergoinspektsiya matbuot xizmati tomonidan ma’lum qilinishicha, noqonuniy elektr energiyasi iste’moli to‘xtatildi. Bu haqida Upl.uz xabar berdi.
Samarqand viloyat Uzenergoinspektsiyasi boshqarmasi xodimlari tomonidan Samarqand shahrida joylashgan “D. B.” mas’uliyati cheklangan jamiyati faoliyati tekshirildi.
O‘tkazilgan tekshiruvda ushbu korxonada elektr tarmog‘iga noqonuniy ravishda 34 kilovatt quvvatga ega elektr uskunalari ulanganligi aniqlangan. Ushbu uskunalar elektr energiyasini hisoblagichdan o‘tmasdan iste’mol qilgan.
Dastlabki hisob-kitoblarga ko‘ra, elektr ta’minoti tashkilotiga yetkazilgan zarar miqdori 2 milliard 680 million so‘mni tashkil etadi. Mazkur holat bo‘yicha tegishli hujjatlar rasmiylashtirilib, dastlabki tergov harakatlarini olib borish uchun huquqni muhofaza qiluvchi organlarga topshirildi.
Korxona mas’ul shaxslari O‘zbekiston Respublikasi Jinoyat kodeksining 166-moddasining 4-qismi bo‘yicha, ya’ni o‘g‘rilik jinoyati bo‘yicha, 15 yilgacha ozodlikdan mahrum etilish jazosi bilan jazolanishi mumkin.
