Hududgaz Poytaxt matbuot xizmatidan ma’lum qilinishicha, 2024 yil 11 avgust kechasi Toshkent shahar Uchtepa tumanidagi Kuvnok ko‘chasi, 5-tor ko‘chasida joylashgan 35 ta uy gaz ta’minotidan uzilib qoldi. Bu haqida Upl.uz xabar berdi.
Buning sababi o‘rta bosimli gaz quvuri yuzasida yuzaga kelgan avariya bo‘lib, shamol tufayli qulagan daraxt gaz quvuri ustiga tushib, zarar yetkazgan. Hozirgi vaqtda favqulodda xizmat xodimlari avariyani bartaraf etish bo‘yicha ta’mirlash ishlarini olib bormoqda.
Ular tabiiy gaz ta’minotini tezroq tiklashga qaratilgan chora-tadbirlarni amalga oshirmoqda. Barcha ta’mirlash ishlari yakunlangach, gaz ta’minoti to‘liq tiklanadi.
Hududgaz Poytaxt aholidan sabr-toqat so‘rab, tushunishlari uchun minnatdorlik bildiradi. Gaz ta’minotidagi noqulayliklar vaqtinchalik bo‘lib, tez orada bartaraf etiladi.
