Ichki ishlar organlari xodimi pora olganligi uchun qo‘lga olindi, deb xabar beradi Davlat xavfsizlik xizmati matbuot xizmati. Bu haqida Upl.uz xabar berdi.
Davlat xavfsizlik xizmati xodimlari tomonidan Toshkent shahrida maxsus operativ tadbir o‘tkazildi. Tadbir davomida Toshkent shahridagi Islom Karimov nomidagi xalqaro aeroportda Migratsiya va personalizatsiya boshqarmasi pasport-viza bo‘limining katta inspektori o‘z xizmat xonasida qo‘lga olindi.
U boshqa fuqaro tomonidan 400 AQSh dollari miqdorida pul olgan. Ushbu pul evaziga u voyaga yetmagan fuqaroning xorijiy pasportiga yo‘lovchi shaxs haqidagi ma’lumotlar bilan shtampni tezlashtirishni va’da qilgan.
O‘tkazilgan dastlabki tekshiruvda aniqlanishicha, ushbu xodim 2025 yil davomida 42 nafar xorij fuqarosidan chiqish vizasini tezlashtirish uchun 300 dan 700 dollargacha, shuningdek, 8 nafar O‘zbekiston fuqarosidan voyaga yetmagan bolalarning xorijiy pasportiga yo‘lovchi shtampini tezlashtirish uchun 200 dan 400 dollargacha pul olgan. Mazkur holat bo‘yicha jinoyat ishi qo‘zg‘atildi va tergov harakatlari davom etmoqda.
