Yekaterinburg shahrining Verkh-Iset tuman sudi O‘zbekistonga olib kirilishi rejalashtirilgan katta miqdordagi yog‘och mahsulotlarini noqonuniy olib o‘tish ishiga oid sud qarorini e’lon qildi. Bu haqida Upl.uz xabar berdi.
41 yoshli xorijiy fuqaroga qimmatbaho yog‘ochlarni noqonuniy eksport qilish sxemasini tashkil etganlikda aybdor deb topildi. Sud jarayonida aniqlanishicha, 2023 yilning may oyida ushbu shaxs yirik miqdordagi ignabargli yog‘ochlarni noqonuniy olib o‘tgan.
Jinoyat ikki bosqichda, 7 va 18 may kunlari sodir etilgan. Yevroosiyo iqtisodiy ittifoqining bojxona chegarasidan o‘tishda soxta hujjatlardan foydalangan va bojxona deklaratsiyasida noto‘g‘ri ma’lumotlar bergan.
Noqonuniy olib o‘tilgan yog‘ochning umumiy hajmi 210 kub metrdan oshib, Rossiya Federatsiyasida strategik resurslar hisoblangan. Ekspertlarning hisob-kitoblariga ko‘ra, ushbu yog‘ochning bozor qiymati 2,1 million rublga teng.
Sud jinoyatni Rossiya Federatsiyasi jinoyat kodeksining 226.1-moddasining 1-qismi bo‘yicha, ya’ni strategik ahamiyatga ega tovarlarni katta miqdorda kontrabanda qilishda aybladi. Sud ishi materiallarini ko‘rib chiqqan va davlat ayblovchisining fikrini inobatga olgan holda ayblov hukmini chiqardi.
Aybdorga 500 ming rubl jarima jazosi tayinlandi. Shuningdek, kontrabanda qilingan yukning to‘liq qiymatiga teng bo‘lgan 2,1 million rubl miqdoridagi pul mablag‘lari musodara qilinib, Rossiya davlat daromadiga o‘tkazildi.
Noqonuniy yog‘och kesish va kontrabandani aniqlash uchun ayrim hududlarda kosmik monitoring texnologiyalari keng qo‘llanilmoqda. Yuqori aniqlikdagi sun’iy yo‘ldoshlar o‘rmon qoplamasidagi o‘zgarishlarni qayd etib, noqonuniy yog‘och kesishni tezda aniqlash imkonini beradi.
