O‘zbekiston diplomatik missiyasi Saudiya Arabistonida uzoq yillar yashab kelgan Samarqandlik fuqaro R. Bu haqida Upl.uz xabar berdi.
G.ga uyda zo‘ravonlik qurboni bo‘lish holatida zudlik bilan yordam ko‘rsatdi. Diplomatik vakillar tezkor harakatlari natijasida ayol o‘z yurtiga muvaffaqiyatli qaytarildi, deb xabar beradi Dunyo axborot agentligi.
Saudiya Arabistoni qonunchiligiga muvofiq, mamlakatdan chiqish uchun xorijiy fuqarolarga maxsus chiqish vizasi talab etiladi, ayollar esa rafiqasining rasmiy roziligini olishi shart. Ushbu muammoni hal etish maqsadida O‘zbekiston diplomatik vakillari Saudiya Arabistoni Tashqi ishlar vazirligi va boshqa mas’ul tashkilotlar bilan muzokaralar olib bordi.
R. G.ning ma’lum qilishicha, uning xorijiy fuqarodan bo‘lgan eri hibsga olingan va vaqtincha saqlash izolyatoriga joylashtirilgan.
Surishtiruv jarayonida erkak o‘z rafiqasiga chiqish vizasini berishga, uning O‘zbekistonga qaytishiga to‘sqinlik qilmaslikka va uni keyinchalik ta’qib qilmaslikka majbur qilindi. Zarur hujjatlar olingach, R.
G.ga chiqish vizasi berildi. Diplomatik vakillar ayolning Saudiya Arabistonini xavfsiz tark etishi va Sharjadan tranzit reys orqali Toshkentga muammosiz yetib borishini ta’minlash uchun barcha choralarni ko‘rdi.
Jabrlangan ayol diplomatlarga, O‘zbekiston hukumati va rahbariyatiga chuqur minnatdorligini bildirib, ularning yordami hayotini saqlab qolganini ta’kidladi. Vatandoshlarni qo‘llab-quvvatlash bo‘yicha davlat siyosati va “Vatanga qaytish” aksiyasi doirasida uzoqda, qiyin vaziyatga tushgan o‘zbekistonliklar yangi imkoniyat va umidga ega bo‘lmoqda.
