Yo‘l harakati qoidalarini jiddiy buzgan shaxsga nisbatan chora ko‘rildi, deb xabar beradi Ichki ishlar vazirligi Yo‘l harakati xavfsizligi bosh boshqarmasi matbuot xizmati. Bu haqida Upl.uz xabar berdi.
Ijtimoiy tarmoqlarda Nurobod tumanida "KIA Sonet" avtomobilining haydovchisi yo‘l ta’mirlash ishlarini amalga oshirayotgan ishchilarga qarata qasddan harakat qilayotgan videorolik tarqaldi. Ular yo‘lning harakat qismida ta’mirlash ishlari olib borayotgan edi va transport vositalari harakati uchun yo‘l yopilgan edi.
Ushbu holat bo‘yicha haydovchiga O‘zbekiston Respublikasi Ma’muriy javobgarlik kodeksining «Yo‘l xuliqanligi» moddasi bo‘yicha ma’muriy bayonnoma tuzildi. Sud haydovchiga 25 baza hisoblash qiymatida jarima (10 300 000 so‘m) tayinladi va haydovchilik guvohnomasini ikki yil muddatga olib qo‘ydi.
Haydovchi va uning yo‘lovchisi o‘zlarini oqlash maqsadida ular shoshilishgani sabab bunday harakat qilganliklarini bildirishdi. Biroq ularning izohlari qabul qilinmadi.
Shu tariqa, yo‘l harakati qoidalarini buzgan shaxslarga nisbatan qat’iy choralar ko‘rilmoqda.
