Jizzax viloyatida Davlat xavfsizlik xizmati xodimlari Farish tuman hokimining o‘rinbosarini pora olayotgan vaqtida ushladi. Bu haqida Upl.uz xabar berdi.
Rasmiy ma’lumotlarga ko‘ra, amaldor 20 ming dollar miqdoridagi porani qo‘lga kiritayotganida qo‘lga tushgan. Ushbu pora evaziga u mas’uliyati cheklangan jamiyat rahbariga 204 gektar sug‘oriladigan yer maydonini bepul va doimiy ravishda berishni va’da qilgan.
Mazkur yer maydoni 2025 yil iyun oyida o‘tkazilgan auksionda ushbu korxona tomonidan yutib olingan edi. Shuningdek, kelishuvga ko‘ra, qolgan 10 ming dollar amaldorga birinchi hosil yig‘ib olingach berilishi kerak edi.
Shu tariqa, jami pora miqdori 30 ming dollarni tashkil etgan. Ushbu holat bo‘yicha O‘zbekiston Respublikasi Jinoyat kodeksining ikki moddasi bo‘yicha jinoyat ishi qo‘zg‘atilgan: 168-moddaning 4-qismi — firibgarlik va 211-moddaning 3-qismi — pora berish.
Hozirda jinoyat ishi doirasida tergov harakatlari olib borilmoqda. Amaldorga nisbatan 10 yilgacha ozodlikdan mahrum qilish jazosi qo‘llanishi mumkin.
Ushbu holat davlat idoralarida korrupsiyaga qarshi kurashning qat’iy davom etayotganidan dalolat beradi.
